Assalamualaikum wahe e teungku
Saleuem lon tuju bandum syedara
Bandum kaom Mak ngon kaom Abu
Saleuem lon tuju sigo lon sapa
Na bacut haba ulon neuk rambue
Pilkada abu ka di keue mata
Pilkada damai geutanyoe rindu
Bek sagai karu sabe syedara
Beuthat pilehan beda sigeutu
Bek tanyoe laju ta peuhu mata
Bek gara-gara sabe droe karu
Awak gop laju ji khem be raya
Ka sep baroe kon ngeutanyoe karu
Wahe e teungku meubek le seubra
Keu soe yang galak ta pileh laju
Peunteng tanyoe eu meuphom agama
Ureung carong ta yue jak di keue
Lage nyan teungku sang bijaksana
Geutanyoe harap Aceh beumaju
Bek ji cap teungku gasien lumboi sa
Meunyoe baroe kon sep gop peulaku
Tanyoe ji adu sabe syedara
Mulai jinoe mari meusatu padu
Bek karu-karu wate pilkada
Soe yang teupileh teurimong laju
Nyan keuh hai tgk kheundak Rabbana
Tanyoe meulakei nibak Tuhanku
Aceh nyoe u keue neubri beu jaya
Neubri Aceh nyoe meubek le karu
Neubri beumaju lage bak saboh masa
Lage yoh jameum masa Indatu
Aceh hai teungku ji thei u luwa
Meunyo meujanji jeut beurang kapeu
Ji tanggong dumpue yoh goh pilkada
Ban ka teupileh ka laen laku
Nyo meunan lagu h’an maju bangsa
Di cong bak mamplam ticem rampukeue
Di cong bak kulu na ticem pala
Tanyoe meudo’a wahe e teungku
Bek karu-karu wate pilkada.*
Komentar