Assalamualaikum wahe e wareh
Saleum lon tuleh mandum syedara
Saleum horeumat hana lon peuceh
Keu bandum wareh hana lon beda
Keu warga imapura teurimong gaseh
Deungon hate gleh bak panitia
Ka ikot seureuta banmandum wareh
Geutanyoe sapeh peugot acara
Acara moled ka tanyoe sapeh
Ta undang abeh banmandum warga
Warga imapura sinoe ngon sideh
Keluarga wareh ngon mahasiswa
Laen nibak nyan wahe e wareh
Pat na meulanggeh meu’ah beuraya
Kadang cit kamoe na silap tuleh
Kadang hai wareh meutuka data
Keu bapak camat yang ka trok sideh
Di gampong sideh geusyik pih geuba
Bak kamoe rayek teurimong gaseh
Deungon hate gleh wahe syedara
Dalam layanan keu bandum wareh
Sinoe ngon sideh kadang na cupa
Kadang nyum kuah cit tabeue abeh
Meu’ah hai wareh keu panitia
Meunyo cit silap hate teuseureh
Meu’ah bak wareh yang kamoe pinta
Keu bandum penyumbang teurimong gaseh
Balasan meulapeh nibak Rabbana
Aneuk leuk kutru di cong bak manggeh
Di cong keureuleh na ticem pala
Meumada ‘ohnoe ucapan teurimong gaseh
Meu’ah hai wareh keu panitia*
