KabarJino |Bagian 1.
Assalamualaikum wahe e sahbat
Saleum lon intat nyoe keu syedara
Na bacut haba lon keuneuk intat
Haba nasehat lon neuk ceurita
Keu peuingat droe dile awai that
Mangat bek silap hudep lam donya
Tanyoe beusunggoh pubuet ibadat
Pujoe Hadharat bek sagai lupa
Bek ek ji tipei le iblih laknat
Tanyoe ji karat yue pubuet desya
Peu malah tanyoe bak buet ibadat
Ka ji peuleuzat bak buet yang desya
Nyan keuh useuha di iblih kaplat
Bacut h’an silap tanyoe ji goda
Nyo goh ta pateh lage jih pakat
Tanyoe ji karat meumacam cara
Nyo roh ta pubuet lage jih pakat
Teulah teuh that2 lheuh nyan syedara
Di jih ka jiplueng lheuh tueng manfaat
Tanyoe hai sahbat meunyeusai raya
Oleh karna nyan beuingat- ingat
Wate jih pakat meu ucap sigra
Mangat jih jiplueng bek le ji pakat
Tanyoe seulamat akhirat donya
Wate lheuh mugreb cok wate siat
Wahe e sahbat Qur’an ta baca
Bek laju HP yang geutanyoe mat
Qur’an hai sahbat leubeh utama
Wate puasa padum go na tamat
Cuba ta ingat wahe syedara
Nyo tan meusigo ka salah that2
Mari hai sahbat taubat beusigra
Yoh mantong wate nibak Hadharat
Yoh goh dalam jerat geutanyoe geuba
Mulai jinoe laju geutanyoe karat
Bek na le silap wahe syedara
Meumada ‘ohnoe dile hai sahbat
Meu’ah rayek that meunyo na gasa
Meunyo na wate singoh laen hat
Haba nasehat lon intat teuma
Bersambung ……..
